ياسر التويجري

في برنامج شاعر المليون



أشعل الشاعر ياسر التويجري قنبلة حين أعـلن انسحابه من برنامج المليـون

وعلناً أمام الجماهير الحاضرة لمتابعة البرنامج بشكل عام ولياسر بشكـل خاص

انسحابه يعتبر رداً على المشككين انه لايهدف لمادة .. يعني قروش للي ماعرف

ولا يبحث عن مجد كما ادعى البعض .. فياسر كبير باسمة <-- ماشاءالله عليه

http://www.9m.com/upload/13-01-2007/0.401168638393.jpg

وما زالت أصدائها حتى هذه اللحظة

كان مميز في إلقائه وفي كلماته

وحتى حين انسحابه كان رائعاً ومشرفا للمواطن السعودي في تعامله من الحدث

مداخلة

ورد في بعض مواقع الانترنت ان ياسر طلب من الشيخ محمد بن زايد مساعدة في مصاريف زواجه

معاكسين الحقيقة ومظهرين عدم حبهم لياسر بشكل مسيء لهم ولزوارهم

غير مبالين بمخافة الله والتقول على شخص صاحب جماهيرية كبيرة

فبالطبع تعتبر هذي مغالطة ليس لها أساس من الصحة

فقد كان طلبة الانسحاب لتدبر أمور زواجه فقط وجميع الحاضرين والمشاهدين سمع ذلك بنفسه

http://www.9m.com/upload/13-01-2007/0.40901168638576.jpg

الختام

ان ياسر قال في قصيده الختامية بالنسبة له يالمهدي المنتظر

مشبهاً الشيخ محمد بن زايد بالمهدي المنتظر في أمرين فقط

وليس تشبيه في مكانه المهدي المنتظر الدينية

وهو نوع من التشبيه المشروع ويعتبر فن من فنون الشعر حين ذكر الشاعر

المده المسكتة .. والأخذ بيد الضرير

http://www.9m.com/upload/13-01-2007/0.52201168638233.jpg

-----------------------------------------------

ولدت ساطي ومتغطرس وأحب الخصام
ولا أعترف في إدارة طبع ولا مدير

أوجدت نفسي من اللاشي والانعدام
نبذت فالمجتمع لاني صريح وفقير

ماكان تفكيري الا كيف أخطف السنام
والحمد لله خطفت اليوم كل البعير

إن لم يكن مركزي بالصف الاول أمام
ماعاد تفرق معي لو كنت قبل الاخير

الله أكبر ولله البقاء والداوم
وهو الاله الاحد وهو السميع البصير

أخذت من مدرسة أحمد عليه السلام
مالا خذيته من مخاوى وزير وامير

وأخذت من تجربة عبدالعزيز الامام
وش يصنع العلم لاخاواه سيف شطير

واخذت من فلسفة هتلر عدم للالتزام
وكسبت نفسي وريحت القلق والضمير

وابشرك حالتي دايم على مايرام
من ركعتين الصباح الين عقب الاخير

صحيح عندي تحفظ عند بعض الانام
مثل معمر وابو مازن وتوني بلير

لكن انا مااحب اقلل الاحترام
واذهب ضحية طموح الغرب وانا صغير

قومية المسلمين اللي عليها الكلام
راحت معا خالد وعمرو وعلي والزبير

الله ولا الذل والتخوين والانهزام
ياعابدين العروش الوضع جدا خطير

يابو خلف كيف حالك عل حالك تمام
انسى القصيدة وهات علوم اخوي الكبير

شيخ عرفته وتقريبا لي اربع اعوام
يومني اجيه لا جاير ولا مستجير

يشوقني له نشوق الوسم عقب الحيام
في صفرة جوها ماهو بفية هدير

الشيخ ابو خالد محمد عداه الملام
اللي يصير من الاصرار مالا يصير

حد الثماله اعزه لا علي الحرام
اني احبه وحبٍ لو درابه يطير

يطير مثل الوحش لاضف ريشه وحام
وحول على الذايره بالجو مثل المغير

ان الملوك اذا اعطوك حب وغرام
خلوك من سائر الخدام يعني خفير

الا انت ياراعي التقدير والاهتمام
ياللي رحمت الصغير وشلت هم الكسير

اذا البلاط الاميري والكنب والرخام
له شاعر يدهله في صبح والا عصير

فانا دهلت الثريا و القمر و الغمام
وحولت اداهل طرف مشلحك مالي خشير

كفرت بالناقصه والغدر والانتقام
وامنت باانك حزامي بالنهار العسير

من لايقدر ثباتك مع عكاك الزحام
ماهو بوالله مقدر ويش معاني جرير

ياراس عيطا يا مسك البدء قبل الختام
يالنادر اللي على صيد المكارم شهير

يالمهدي المنتظر بالحاجتين الجسام
المدة المسكته والاخذ بيد الضرير

ياسيدي ودي افهق لك ضلوع العظام
واعطيك شي بصدري وانت رجل خبير

انا تراني اعاني نوب من انفصام
يوثر على البرمجة في راسي المستدير

واصير احس اني البارود والا الحسام
في ساحة الشعر من تبوك لاقصى عسير

مما يسبب لبعض اعدائي الاحتدام
اللي يحسبون قرض الشعر مثل الشعير

والشعر وان كانه المقصود باول مقام
فالله يرحم ابو الطيب ويرحم زهير

روح التنافس وحب الشيخ والانضمام
ماهي بتعني لدى الكثرة نهاية مصير

والشاعر اللي معه عزوة خوال وعمام
تفداه وايل وترقب مستعدة مطير

والله فلا ينقهر والا يضيق ويضام
لاجاء اللزز والملاقى والقبس والنذير

وجمع الدراهم ماهي باكبر طموح الغلام
اللي جمع من قلوب الناس شي كثير

من حبني رغم تفويتي له الانخدام
واللي كرهني فهذا شخص ملعون صير

دام المعارك صغيره ماعلينا لزام
ينوب عن سيفي البتار اصغر جفير

قرات فيما قراته من بلوغ المرام
اللي ترك شي لله عاضه الله بخير

===========================================

وسلامتكم يالغاااااااااااالين من ايميلي

مشكور اخوي على المشاركه وبدايه جيده وهذي إضافه من الايميل الخاص بي



لمشاهدة

http://www.lail- alsahara. com/2007/ video/v-16. zip
## 31.0 م.ب ##



للاستماع

http://www.hotfile. us/HF/yasr. wma/ffbf91234

او هنا

http://up.9q9q. net/up/index. php?f=NMLKkHqPN

وشكراً

مشكور ويعطيك العافية

والله انه خفيف

يعطيك العافيه

ياسر شاعر محبوب والله يوفقه

بصراحه ماقد سمعت شعر ياسر التويجري

اسمع انه شاعر ومغرور ومتكبر بس ماقريت شعره وشفته بالبرنامج

ماقال شي شين كلامه عادي بس واضح بصراحه انه مغرور بنفسه

من اللقاء اللي صار معه قبل مايقول القصيدة لكن اشهد ان قصيدته حلووووة

الله يعطيك العافية اخوي على النقل الرهيب للقصيدة

وبالنسبة لياسر التويجري شاعر كبير وله مكانته بين ادباء الشعر وبالنسبة للي يقول أنه متكبر

صدقني الثقة بالنفس مطلوبة يا صاحب السمو وهذي من أسباب نجاح الشاعر ياسر ولاحظ أنه يوجد

فرق بين الثقة بالنفس وبين التكبر والغرور ..

لاحظ الشاعر سعد بن علوش وقت ما قال في قصيدته أنه شهرة شكسبير وافلاطون تطيح من عينه اذا

قال بيت واحد من ابياته ;) هذي اساس الثقة بالنفس

تقبل مروري اخوي واشكرك على الموضوع الرائع

تحياتي لك ..

يعطيك العافيه والله لا يحرمنا منك