قرات القصة وعجبتني في منتدى وحبيت انقلها لكم
وهي عباره عن اجزاء وباللهجة البحرينيه

الجزء الاول :

في صباح يوم جميل تستيقظ بنت جميلة ومؤدبة ، تتناول فطورها وتقول لكل فرد صباح الخير

اوووه نسينه ما عرفناكم بالعائله( منار > اهي محور حديثنا < واهي اصغر وحدة بالعائلة وعمرها 14سنة واخوها احمد عمره 20 وابوها موظف في احدى الشركات واهو مهندس كهربائي وامها ربة منزل

الام : اتفضلي منار اخذي السندويجة أكليها بالمدرسة
منار : إن شاء الله امي
الاب: يالله منار اتأخرنا
وصلت منار المدرسة وراحت مع صديقاتها وقعدت تتكلم وياهم ومن هالسوالف !!

سارة : منار شفتين البارحة ستار اكاديمي
منار : أي
سارة : شفتين *****
منار : أي شفته يجنن
ساجدة : أي شفتين رائيه وخليفة هذول بلابل الحب
منار : أي شفتهم وبصراحة ما احب اطالع هالسخافات

طق الجرس وابتدت الحصة الاولى
قعدو البنات في كراسيهم وجت معلمة العربي
المعلمة:السلام عليــــــــــــــكم
منار واهي تمزح : هلا والله
قعدوا وعطتهم المعلمة نشاط جماعي وقاموا وسوو مجموعات وبدل ما يحلون الي عطتهم اياه المعلمة قعدوا يسولفون
وظلوا كل الحصص جذي مزح ولعبة وما ينتبهون على المعلمة

وكمل اليوم وطق الجرس وراحو بيوتهم

الام : يالله منار تعالي اتغذي
منار : الالالالالالا الغذا شكله حلووو

وهم قاعدين ياكلون الا امها تسألها

الام: شخبار الدراسة وياش ؟
منار : زين زين الحمد لله
الام : إن شاء الله هالمرة بعد شهادة ممتاز
منار : إن شاء الله

عقب اشوي راحت سريع على الكمبيوتر طبعًا علشان الماسنجر وتقعد اتسولف مع رفيجاتها ولما كانت منار تتكلم جتها إضافة من ايميل وقبلت واتكلمت

منار : من ؟!
؟: هاي
منار : هايين
؟ : معاش ناصر
منار : يعني انت ولد
ناصر : يعني انتِ بنت ..!!
منار : ايي ، ليش ضفتني
ناصر : لا بس حاب اتعرف
ناصر : شنو اسمش ؟
منار : منورة
ناصر : عاشت الاسامي هلا منورة
منار : وانت شنو اسمك
ناصر : اسمي ناصر
ناصر : ممكن اسألش كم سؤال ؟
منار : ممكن اتفضل
ناصر : كم عمرش ؟
منار : 14 سنة ، وانت؟
ناصر : 19 سنة
ناصر : اهاا فرق شاسع في العمر
منار : ليش ليكون اتحبني ؟
ناصر: صح
منار : احنا انكون اخوان واني ما احب هالسوالف

تتوقعون علاقة منار بتزداد مع ناصر الي قاص عليها ؟!

مــــــــــــــــــــــــــنقول

يسلمووووووووووووووا اختي عذبه الروح على هالمنقول
تحياتي لكي

يسلمو خيوو على مرورك وردك
وهذا الجزء الثاني منها
وضلوا يتكلمون ةيسلولفون وكل يوم واحد يعرف شئ عن الثاني وضلوا على هالحال لمدة 6 اشهر

ناصر : قوة
منار : الله يقويك
ناصر : صار لنا 6 اشهر واحنا نتكلم في الماسنجر انا امبي اسمع صوتش
منار : يؤؤ ، ما اقدر
ناصر : عادي لو صوتش يخوف
منار : صوتي احلى من صوتك
ناصر : اتفضلي الرقم ********
منار : اوكي بحاول اتصل
واخذت منار وقرررت تتصل واهي مرتبكة ، واتصلت وناصر جن جنونه وصارت منار 24ساعة امقابلتنه على التلفون والماسنجر

وفي يوم رجعت من المدرسة اتصيح لان راسبة في امتحان وهذا طبعًا اكيد راح يصير لأنه كانت طول الوقت مقابله ناصر ولا اتراجع
ام منار شافت بتها تصيح
الام : ويش فيش منار متهاوشة مع احد
منار : لالا
الام: احد متعلف فيش ؟
منار : لالا ، لحد يكلمني خلوني بروحي
ورمت منار شنطتها وراحت حجرتها تشكي حالها حق ناصر << احين صار هالناصر الخسيس احسن من امش
الام اخذت الشنطة وقعدت اتفتش وشافت هوايل نص ردجات الاختبارات كلها راسبة فيهم ، الام انصدمت لان هذا موب مستوى بتها وراحت قالت كل شئ حق ابو منار ، وابو منار ما يحب لهواش بارد ثلجة ويحب التفاهم
الاب: منار حبيتي ليش جايبة هالدرجات ؟!
منار : لان الامتحان كان صعب !!
الاب: انتي حتى بالاختياري امسويه كله خطأ
منار : لان المعلمات يجيبون الينه كله صعب واحنا نتغلفط
الاب: انزين هالمرة موب ترسبين راجعي عدل علشان تنجحين
منار : إن شاء الله ابوي
طلع بو منار من الحجرة الا في وجهه ام منار
الام : ويش شلت الكمبيوتر واخذت الموبايل ؟
الاب: وليش كل هذا
الام : ويش ؟ موب كل هذي الاشياء الي تشغلها عن الدراسة
الاب: انا قلت اليها وكلمتها وقالت بتراجع
الام: لالا اني ما يمشي عندي جذي او تدري انخليه اليها ساعتين باليوم لكن اتجيب الكمبيوتر حجرة القعدة علشان يصير مراقب
الاب: اوووف الى هالدرجة ما عندش ثقة ببنتش ؟
الام: اني عندي ثقة فيها بس اخاف احد يقص عليها مثل هالسوالف الي نسمعها واولاد الحرام واجد ، واني امبي اعرف وش اتسوي في هالكمبيوتر علشان اشوف مع من تتكلم وويش اتقول ؟
الاب: خلاص انا بكرا بقعد وياش وبراويش كل المحادثات علشان تقطعين الشك باليقين
الام: انزين خلاص ولكن الموبايل ؟
الاب: بعد شنو اسوي في الموبايل
الام : لازم تاخذه من عندها علشان لا تنشغل بالسوالف بدل المراجعة

وفي اليوم الثاني راحت منار المدرسة واهي ما تدري شنو بيصير وشنو المصيبة الي بتطيح فوق راسها
جا ابو منار وجت معاه ام منار وراحو يقعدون على الكمبيوتر ويشوفون ويش صاير فيه وشاف الابو 3 إيميلات واحد مال احمد اخوها والأثنين الباقين مال منار وشاف المحادثات ثلاثة اربعاعها بايميل واحد وشاف من 5-4 في الايميل الثاني وجه ابو منار فضول يبي يشوف ليش محادثات هالايميل اكثر من هالايميل ؟
وكانت ام منار امية موب متعلمة وما اتعرف تقرأ
دقايق الا ابو منار عاطي روحه صطار
الام : ويش فيك عاطي روحط صطار ؟
الاب : ويش اقول لش خليني ساكت احسن
الام : لا يا بويي ويش كاتبة بتي اني امبي اعرف وثانيا مع من تتكلم ؟
الاب: بتش تتكلم ويه واحد عن حب وخرابيط .
الام: يعني بتي تتكلم مع صبيان ؟

تتوقعون ويش بيشوفون في المحادثات وويش بيصير في منار اذا اعرفت

انتظرونا في الجزء القادم

الله القصه رووووووووووووعه
بانتظاررررررر باقي القصه
يسلمووووووووووووووووووا عذبة الروح والى الامام

يعطيك العافي علي هالموضوع

وبسرعه حتي الجزء الثالث نبي نشووف منو اللي يصطر ههههههههههههههههههه


كااااااااااااااااتمـــ"""

تسلمين عذبه يخليك ربي

القصه حلوهـ { وفله }


يلا نبي باقي القصه



بررربـ

الجزء الثالث:

قعدو الام والاب يشوفون المحادثات ويطلعون فضايح بنتهم وشافو في احد المحادثات صورة ناصر امطرشنها الى منار ودوروا في الصور وشافو الصورة ولما شاف الاب صورته الاب حس انه بيطيح من الصدمة طلع هذا لصبي ولد رفيق ابو منار والا اهي حجي جواد وهذا الولد طلع من المدرسة بسبب رسوبه ولوفري وسمعته طايحة بالارض محد يقول عنه شئ زين واهني صارت الصدمة اقوى على الام والاب وكانت الام اكثر لان الاب اعصابه باردة مصل ما قلت لكم .

جت الساعة 1:15 وتدخل منار وابتسامتهاا على طول وجهها وتشوف ابوها وامها امبوزين وقاعدة واستغربت !!
منار : السلام عليكم !!
الاب والام من غير نفس : عليكم السلام
منار : شنو صاير شلون ابويي انت اهني
الام: ابوش صادته صدمة ما خلته يروح الشغل
منار : ويش صدمة !!
الاب : لا صدمة ولا شئ
منار : عجل ليش امي اتقول جذي ؟!
الاب: انا يا بتي عطيتش الحرية والثقة ولكنش خنتين هالثقة اللي عطيتش اياها
منار : ابويي اني ويش سويت ، امااه ويش صاير ؟!
والا اخوها احمد داخل البيت وشاف جو البيت مكهرب قال :
احمد : ويش صاير ؟
الاب ما يبي يتكلم لان احمد يعرف ناصر واذا قال اليه راح يتهاوش وياه
الاب: ما صاير شئ
منار كانت خابفة حدها من كلام ابوهاا
الام نادت عليهم علشان يتغذون وراحو كلهم يتغذون وهم قاعدين على الطاولة كانت ام منار وابوها ومنار ما ياكلون ما فيه الا احمد يبلع !!
احمد : لا صدق ويش فيكم ويش صاير واحد ميت !؟
الام : فال الله ولا فالك
الاب : ما صاير شئ ولا شئ
منار : الحمد لله شبعت
الام : ما اطلتين شئ
منار : شبعانة اكلت وايد خرابيط بالبيت في المدرسة وشبعت
بعد الغذاء راحت منار غرفتها وقعدت تتكلم مع ناصر واتقول اليه عن الي صار اليوم وإلا بدخلة ابوها
الاب: منار قولي الى ناصر باي !!
منار استغربت زاتقول في بالها هذا ويش دراه وقالت اليه : باي
الاب : انا وامش شفنا كل محادثاتش مع ناصر
منار حطت ايدها على بوزها وهي اتصيح وابوها ما قدر يشوفها جذي لان قلبه ضعيف واهي بعد بنته الوحيدة ولا ننسى ان اعصابه باردة وقرب ابوها منها علشان يحضنها اهي افتكرت انه بيضربها
منار واهي خايفة واتصيح : ابوي اني موب قصدي آسفة
الاب: ادري انش موب قصدش >> صدق بارد
دخلت الام وهي اتقول : ويش موقصدها بدال ما تعطيها جم كف يأدبها قاعد اتقول مو قصدها
الاب: انا ما اتعامل مع بتي بهالاسلوب هذا الاسلوب مو حضاري >> ويلي على التحضر
واهم كانوا يتهاوشون كان باب الحجرة مفتوح وكانت غرفة منار بجانب غرفة اخوها احمد وأحمد سمع لصراخ وراح يسمع فعرف ان السالفة فيها محادثات
العصر منار راحت المعهد والام طلعت والاب راح مع ربعه بقى احمد بروحه بالبيت فراح على الكمبيوتر ويشوف ويش سالفة هالمحادثات
واحمد شاف كل المحادثات وعصب وقعد ينتظر اخته لين اتجي ، الا بدخلة منار
منار : سلام الا انت اهني العادة انت اتروح النادي
احمد واهو معصب: أي قاعد انتظرش علشان اكسر راسش يا قليلة الحية يا ام لصبيان وركض الى منار وعطاها كف وضربها ضرب واهي اتصيح وراحت منار غرفتها وقفلت الباب وقام احمد يضرب ويرفس في الباب
وبما ان احمد يعرف ناصر راح علشان يتهاوش وياه
منار : اهئ اهئ الله يستر يا ربي اني غبية كان لازم احذف المحادثات بس اني غبيةما يندرى احمد شنو بيسوي ؟!

اسفه ان القصه باللهجة البحرينيه اذا تبوني اترجم بعض الكلمات حاضرين
امبي = اريد
لوفري= كله يغازل
صطار=كف
نتغلفط=نتخربط

الصراحه الاب اسلوبه حضاري وما اشوف اي غلط بمعاملته لبنته



وتسلمي عا القصه والتشويق



وما اللهجه البحرينيه صدق لهجه هع يحليلهم

تقبلي مروري

الجزء الرابع:

احمد ساق سيارته على اسرع شئ وهو كان في السيارة كان ناصر يمشي في الشارع في هالوقت جه الفار يلعب في عبه ودعم ناصر ومشى ورجع البيت وهو خايف وراح غرفته ونام علشان لحد يشك فيه .!!
وعقب اشوي دخلت الام ودخل بعده الاب
الام : شلت الكمبيوتر واخذت الموبايل من عند منار ؟!
الاب : لا ليش ما راح اتكررها اكيد
الام : انزين موعلى ما اتكرره احين جاية امتحانات وانا امبي شئ يشغل بتي عن الدراسة
الاب : اوكي ، لما اتجي الامتحانات راح اشيلهم
الام : لا الحين روح شيلهم والله اني بروح وبقلع الوايرات وابخرب كل شئ
الاب : خلاص خلاص بس لا تقعدين تحنين على راسي
الام : احمد ما طلع من البيت اليوم
الاب : اكيد يذاكر
الام: أي يذاكر ؟! جان زين يذاكر
راح الاب يشوف منار والام راحت اتشوف احمد . وصل الاب عند باب غرفة منار سمع صوت احد يصيح بيبطل الباب الا اهو مقفول طق الباب
منار : من ؟!
الاب : انا
قامت منار وفتحت الباب الى ابوها الباب وعيونها حمرة من لصياح ومن شدة قوة لصطار انطبعت يد احمد على خد منار
الاب : هذا من الي عاطنش صطار على وجهش
منار : هذا احمدوو
الاب : ليش ؟
منار : احمد شاف المحادثات شكله ، لان قال الي يا ام لصبيان
الاب : انا ابوش ما ضربتش يضربش اهو
منار : اهئ اهئ
وراح الاب الى احمد وكانت الام في حجرة احمد لان شافته نايم قامت اترتب الحجرة ودخل الاب
الاب : يسوي روحه نايم هاا ، ادري ابه
الام : يسوي روحه وحقويش يسوي روحه ؟
الاب : لان ما تدرين ويش امسوي
الام : يؤؤ ويش امسوي ولدي ؟
الاب : ضارب اخته سطار روحي شوفي وجههاا كيف صار
الام : ايي عفية عليه طالع على امه
الاب : اكيد طالع على امه
الام طالعت احمد واهو نايم حست ان احمد فيش شئ لان قلب الام يحس بكل شئ
الام : ابو احمد شوف احمد مو كأنه مريض
الاب : لا مريض ولا فيه شئ
قربت الام من احمد وحطت ايدها على راسه وكان امصخن لان احمد لما يكون خايف يصخن
الام : يؤؤ يا علي ولدي مريض ما قلت لك يبين من وجهه شوفه شيفه صاير
الاب : لا اتقولين ويش فيه اكو اليوم الظهر يوم يتغذى ما فيه شئ
الام : قوم قوم احمله بنوديه المستشفى هذا ولدي الوحيد
الاب : وهذيك مو بتش وين بتخلينها ؟
الام : بنوديها بيت عمتها
الاب : عجل اتوكلنا على الله
راح الاب وقال الى منار تجهز روحها علشان بيوديها بيت عمتها وبيودون احمد المستشفى
منار : يستاهل هذي حوبتي من الكف الي عطاني اياه
بيت عمة منار في لقرّية وناصر قال الى منار ان اهو من هناك . واهم في الشارع شافوا لمة واسعاف كانت منار قاعدة قدام مع ابوها وامها كانت مع احمد ورى
منار : هذا ويش صاير اهني
الاب : ما ادري : بسأل هذا الرجال
الرجال : هذا واحد داعم صبي والحين جه الاسعاف والشرطة علشان يعرفون شنو صاير
الاب : يؤؤ هذا منهو الي دعموه

تتوقعون من الي دعموه وويش بيصير في احمد ؟

؟ بس ابي اعرف ها القصه واقعيه ولا لا

ترا القصه مب حقيقه بس هذا واقع يصير بالمجتمع البحريني باسماء وشخصيات مختلفه وجايز ان تكون بمجتمعات اخرى ولكنه واقع
الجزء الخامس :

الرجال : تعرف حجي جواد بيت الحمادي ؟
الاب : شيفه ما اعرفه هذا رفيقي ليكون اهو الي دعموه
الرجال : انا اقول لك صبي اتقول حجي جواد هذا ولده ناصر
الاب : ناصر ما غيره
الام : يؤؤ يا علي يكافينه شر هالبلاوي
الاب يطالع في منار ويقول : يا منار هذا الي كلمتينه على الماسنجر
منار باستغراب : ويش عرفك ابه
الاب : هذا يصير ولد حجي جواد رفيقي
منار : هو قال الي ان ابوه اسمه جواد بس يمكن تشابه اسماء
الاب : انا شفت صورته
منار : يعني متأكد ان هذا اهو
الاب : بكل تأكيد
الام : في الستين
منار : اماه لا اتقولين چذي
منار تدري بعد ان اخوها اذا خايف من شئ يمرض ومن چذي شكت فيه ان اهو الي دعم ناصر
منار : احمد احمد
الام : ويش فيش انتين ما اتشوفين اخوش نايم ومريض مافيه شده يرد على احد
منار : اماه اسأليه شنو مسوي
احمد كان يسمع كل شئ وكان خايف ولا يدري شنو بيصير وكان كل خوفه من ان منار اتقول انه لما ضربها طلع بسيارته ورد رجع وعلشان يبتعد عن هالموضوع قعد وقال :
احمد : شنو صاير من اللي جابني في السيارة وليش ؟
الام : انت مريض بنوديك المستشفى يا ولدي
احمد : لا لا انا ما فيني شئ رجعوني البيت
منار : مدام وصلنا لقرّية خلنه اروح بيت عمتي
احمد : لا لا انتي هناك عندش ابرار وانا اقعد مع من ؟ ما امبي اقعد اهني رجعوني البيت
الاب : اوكي بنوصلش بيت عمتش وبنودي اخوش المستشفى
وصلو بيت العمة ونزلت منار وراحو عنه المستشفى بس منار ما دخلت بيت عمتها راحت اتشوف مكان الحادث وهي خاطرها اتشوف ناصر عالطبيعة كانوا المسعفين يدخلونه بالسيارة الاسعاف وكان ينزف بشدة لدرجة ان منار خافت لما شافت الدم شلون يطلع منه وتركض الى بيت عمتها وتدخل
منار : قوة عمتي
العمة : الله يقويش شنو امجيبنش انتين ؟
منار : ابوي وامي واحمد راحو المستشفى وجابوني عندش
العمة : ليش رايحين ؟
منار : احمد مصخن
العمة : يؤ يا علي ولد اخوي
منار : وين ابرار
العمة : خسارة راحت المعهد
منار : دريتين عن الي صاير برع ؟
العمة : ويش صاير ؟
منار : حادث من واحد حمار دعم ناصر وهرب
العمة : أي ناصر ؟
منار : هاا !!
منار : أي أي ما ادري بس ابوي يقول اسمه ناصر ، ولصبي يصير ولد رفيق ابوي
العمة : يو يا علي الله يكافينه شئ هالحوادث
منار : عمتي احين اني ويش اسوي ؟
العمة : روحي طالعي التلفزيون
منار : ما امبي اطالع ملل
العمة : عجل ويش اسوي لش؟
منار : عمتي الله يخليش وديني بيت صديقتي افراح
العمة : في وينه بيتهم ؟.
منار : في بني جمرة
العمة : انتظري البس عباتي وجاية
منار : الالاي كشخة احبش عمتي
العمة : مو لله الى مصلحتش
منار : ههههههههههههههههههههههههههههههه

تتوقعون شنو بيصير في احمد وناصر ومنار ويش بتقول الى افراح ؟!

والله تشوقنا للقصه اله يعافيك على القصه وااااااااو مثييييييييييييييييييييره

واللغه البحرينيه وايد حلوه يعطيك العافيه يلا نترقب الجديد

الجزء السادس :

راحت منار بيت افراح صديقتها وقالت لها كل شئ صار اليها والى ناصر واحمد وافراح اتحب احمد اخو منار وما تبي منار اتأذيه
افراح : ارجوش يا منار لا اتقولين الى امش وابوش ان احمد دعم ناصر بليييز
منار : اصلاً اني مو متأكدة ان احمد هو الي دعم ناصر
افراح : اوكي عجل خلاص انسي السالفة
منار : شنو انسى السالفة ، ارواح الناس مو لعبة
افراح : اوكي خلي القانون اهو الي يتصرف ثانيًا لا تنسين ان الوضع حساس لان ابوش رفيق ابو ناصر
منار : صح كلامش بس بعد لازم ينال جزاه
افراح : اكاهو نال جزاء اكو مريض
منار : لا لازم اقول الى ابوي عالاقل
افراح : ههههههههههه قولي الى ابوش ما بيسوي شئ لان اعصابة ثلجة
منار : لا تنطنزين على ابوي

في المستشفى وبالذات بالطوارئ كانوا قاعدين ينتظرون وإلا بالسعاف جاي ووصل ناصر واحمد شاف ناصر ينزف واحمد ارتجف صارت دقات قلبه بسرعة اتصير وفجأو اغمى عليه وطاح على الارض

الام: يما ولدي احمد احمد شفيك ، ويلي مات ولدي الحقوا عليي

ركضوا الدكاتره الى احمد وودوه غرفة المعالجة وحطو عليه سيلان ورقد بالمستشفى
الام : ويلي على ولدي الحين ايام امتحانات يمرض الي ؟
الاب : بسش لا اتزنين كأنش بومة
الام : اتصل في بنتك شوفها
الاب : ان شاء الله ... الو
العمة : هلا اخوي شخبارك، شخبار احمد ؟
الاب : تمام
الأب : وين منار
العمة : وديتها بيت رفيقتها لان ابرار موب في اهني بالمعهد
الاب : انزين ، يالله مع السلامة
العمة : يالله مع السلامة وسلم على ام احمد
وجا الليل واحمد بعده نايم وامه قاعدة صوبه
الاب: انا بروح اشوف ناصر انزين
الام: انزين بس لا تتأخر
الاب : اوكي
راح الاب بشوف ناصر وإلا في وجه حجي جواد
الاب : شخبار
حجي جواد : الحمد لله
الاب : ما يشوف ولدك شر
حجي جواد : الشر ما يجيك ، دريت ؟
الاب : أنا كنت بالقرّية
حجي جواد : وانت شنو امجيبنك اهني ؟
الاب : ولدي احمد مريض وتوه طايح علينه يوم يجيبون ولدك
حجي جواد : ما ادري ويش في هالزمن كل الناس مرضه ؟
الاب : أي والله ما يندرى ويش بيصير بعد ؟
عقب اشوي طلع الدكتور
حجي جواد : ها دكتور بشر ؟!
الدكتور : إن شاء الله خير ، ولدك في وضع خطير جدًا واحين اهو في غيبوبة والحادث الي صاده شكله الي دعمه متعمد
حجي جواد : ويش غيبوبة ، لا راح الولد راح
الاب : صل على النبي يا حجي جواد ، إن شاء الله يشافيه لا تخاف ان شاء الله بيطلع من الغيبوبة
حجي جواد : الله يستر
رجع الاب الى الحجرة ولده احمد وكان احمد قاعد
الاب : ويش الحين صرت اشوى
احمد : الحمد لله
الاب : انا بروح انادي الدكتور يجي يشوفك
احمد : اوكي
جا الدكتور وشاف احمد وقال ليه ارتاح يعني لازم ما يروح النادي بعدين يتعب ويبقى بالبيت على السرير ، ورخصوا احمد وراحوا يجيبون منار من بني جمرة . وبعدين رجعوا البيت
منار : جان زين كل يوم يمرض علشان كل يوم اروح بيت افراح
احمد : سكتي يا سوسة البلا لا دحنتش احين في الارض
الاب : اقعدوا عدل له كبرتون وبعدكم تتهاوشون
الام : يا ولدي روح ارتاح في حجرتك وبجيب لك العشا
احمد : ان شاء الله امايي
منار غارت من اخوها احمد وقامت وقالت : لو اني مريضة انجان ما دلعتيني جذي

تتوقعون منار بتقول الى امها وابوها ؟!


الجزء السابع :

وفي اليوم الثاني من الصبح راح احمد الى غرفة منار ودخل
احمد : منار بقول لش شئ
منار : نعم ويش تبغي ؟!
احمد متردد وخايف : امس شفت ناصر وهو ينازع شكله بيموت >> احمد يقول جذي موب لله
منار : واني شنو اسوي فيه ، واني ما احب اتشمت بالناس
احمد : انزين انا بس حبيت اقول لش
منار : خلصت قوم اطلع برع
احمد قام والا منار اتقول : لحظة احمد
احمد : ويش تبين ؟
منار : انت اللي دعم ناصر بالسيارة مو ؟!
احمد : هي قصري حسش لا يسمعش احد
منار : ليش خايف ؟
احمد : هذا حمار قليل ادب ، وكان يحتاج الى احد يأدبه
منار : عنده ام وابو يأدبونه
احمد : اكو انتين عندش ام وابو واكو اتكلمتين وياه يا بصوق مو كأنش مربية
منار : ويش جاب هذا لهذا ؟
احمد : يلا عاد لا اتقولين لاحد لا دفنتش
منار : اذا تبيني ما اقول الى احد بشرط
احمد : شنو شرطش خلصينه
منار : اتوديني المستشفى
احمد : ليش ؟
منار : امبي اشوف ناصر عالطبيعة
احمد : لا لا اولاً عيب ثانيا منظره يخوف انا كسرته تكسر
منار : مستانس حظرتك
احمد : أي وحرة ولا اتقولين الى احد وانا مو موافق على شرطش
منار : عجل بقول
احمد : قولي وشوفي شنو يصير فيش
ومرت اسابيع واشهر وخلصت الإمتحانات وجت العطلة وطلع ناصر من الغيبوبة وطلع من المستشفى وصار كأنه البخت
وفي احد الايام قعدت منار من النوم واهي متمللة شنو اتسوي قالت تقعد على الماسنجر حق السوالف . ولما دخلت شافت ناصر قاعد جن جنونها . وسيدة كلمته ..

منار : سلام
ناصر : هلا وغلا ومرحبا
منار : سلامات ما اتشوف شر
ناصر : شلون عرفتين
منار : شفتك وانت تنزف في سيارة الاسعاف
ناصر : بل شلون عرفتيني
منار : عرفتك وخلاص المهم الحين انت شلونك ؟
ناصر : الحمد لله
منار : ما تدري ويش صار الي بسببك
ناصر : بسببي ويش صار ؟
منار : اخوي ضربني ضرب وعطاني اصطار على وجهي
ناصر : بل ، انزين انتي ما تستاهلين الي صار لش
منار : بلا استاهل ثانيا انت صادك اشياء واجد مني
ناصر : مثل شنو
منار : الحادث
ناصر : ويش دخل الحادث ابش
منار : هااا ولا شئ >> منار اتذكرت تهديد اخوها
ناصر : يمكن تقصدين وانا امشي بالشارع كنت افكرفيش وجت السيارة ودعمتني >> تفكيره على قد عقله
منار: ههههههههههههههه الك وحشة يالقمر
ناصر : انتي القمر
منار : شكرًا
ناصر : العفو
واخذوا يسولفون وكانت سوالفهم كله غزل وحب مع ان ناصر كان لعيب ويكلم بنات وايد >> بس منار هبلة ما تدري ان لصبيان ثعالب على قولة القايل .. احم احم

في يوم من الايام جت افراح بيت منار على فكرة افراح موب قد منار قد احمد ، منار اتحب افراح وترتاح اليها . وكان هناك احمد توه بينزل بيروح النادي وهو نازل شاف افراح

تتوقعون شنو بيصير ؟!

#####

انتظرونا بالجزء القادم

والله شوقتيني حيل يلا انطر الثامن شوقتيني بس كان في كلمه مو عارفم عناها وضيعتها

يعطيك العافيه

لعيونك هالاجزاء
الجزء الثامن :


احمد : سلام
افراح ومنار : عليكم السلام
احمد : عندنا ضيوف
منار : هذي اللي كانت بيت جيرانه والي صارت ويانه بالسفر
احمد : اهاا اول مرة اشوفها
احمد اعجبته افراح حتى ان هو قال الى امه عنها وقرر يخطب
الام : كلللووووووش
احمد : امه سكتي فضحتينه
الام : اذا ما افرح فيك افرح في منو ، انت وحيدي
احمد : اماه سكتي احين تسمع منار
الام : خلها تسمع
منار سمعت ونزلت
منار : ويش صاير منهو بيعرس
الام : اخوش بيعرس
منار : ههههههههههه للحين ما طلع من البيضة
احمد : انتي على فكرة مو معزومة
الام : ويش هالخرابيط
منار : اصلاً ما يشرفني احضر زواجك
احمد : فكــــــــة
الام : يلا بلا هرار انتونه علينه
منار : ومن اهي تعيسة الحظ الي بتاخذها ؟
احمد : انتي اتعرفينها افراح رفيجتش
منار استانست وحضنت اخوها وردت المياه لمجاريها

جا ابو منار وقالت اليه ام منار ان احمد يبي يعرس ، وكم اسبوع راحوا يخطبون افراح ووافقوا وكل شئ والحين يوم الخطوبة جو الرجال يسلمون على احمد وابوه والا جاي حجي جواد وولده ناصر

احمد في قلبه : يا ربي موب وياه ناصر
لكن ناصر كان ويه ابوه ودخل وجه حجي جواد يسلم على احمد

حجي جواد : مبروك يا بو احمد
الاب : الله يبارك في حياتك وعقبال ناصر
حجي جواد : الله يسمع منك
ناصر : مبروح ابو احمد
الاب : الله يبارك فيك
حجي جواد : مبروك يا احمد منك المال ومنها لعيال
احمد : الله يبارك فيك
جاء ناصر بيسلم على احمد واحمد اول ما شاف ناصر جتى حالة واغمي عليه وطاح على الارض ، ركض ابو احمد وشاله من الارض وناصر كان مستغرب وبعد اشوي اوتعى احمد وناصر وحجي جواد مشوا

الاب : ويش فيك يا ولدي ؟
احمد : ما ادري بس دورة خفيفة ومرت على خير

خلصت لليلة الخطوبة ورجعو البيت وراح احمد الى حجرة منار وقال اليها عن الي صار
منار : بلللل احين بيشك فيك
احمد : ما اعتقد
منار : الله يستر
احمد : للحين اتكلمينه
منار : لا لا ما اكلمه >> جذابه
احمد : انا يوم شفته ما قدرت اتمالك نفسي
منار : يعني بعد في العرس بيطيح عليهم
احمد : لا عجل ما بعزمهم
منار : اصلاً ابوي الي عازمنهم
احمد : خلهم يولون بروح انام تصبحين على خير
منار ما كانت تدري ان ناصر من اللوفرية ودائما يتحرش بالبنات وقليل ادب وجليل حية واهو ما يدري ان منار اتصير اخت احمد وبنت رفيج ابوه ، بما ان منار تدري ان ناصر بيتهم في لقرّية وجريب من بيت عمتها قررت تروح تشوفه بحجة انها رايحة بيت عمتها .

راحت على الماسنجر علشان تعطيه خبر انها جاية

منار : هلولو
ناصر : هلا هلا
منار: اسمع عقب اشوي بجي لقرّية
ناصر : حلفي
منار : أي صدق
ناصر : وبشوفش صح ؟
منار : المشكلة انا ما ادلي لقرّية عدل علشان نتواعد في مكان << والله حاله
ناصر : انتين بتروحين بيت من هناك ؟
منار : بيت عمتي
ناصر : ويش لقبهم ؟
منار : يسمونهم بيت الطبال << الاسم خيالي
ناصر : هذا البيت لونه بني وفيه زراعة
منار : أي هذا اهو
ناصر : اوكي انا بنتظرش قبالهم بكون في البرادة انتين تعالي تحت فلاجة البيبسي
منار : اوكي اتفقنا يلا باي علشان اروح البس .
ناصر : انتظرش على احر من الجمر
منار : مي توو
الجزء التاسع :

وراحت منار وخلت اخوها يوصلها وشافها اخوها بالتدش البرادة
احمد: تعالي انتي وين رايحة
منار : بروح البرادة اشتري بيبسي
احمد : لا اتروحين برادة ولا بردت انا بروح اشتري لش
منار في قلبها : بل الله يستر ليكون يشوف ناصر ويطيح عليهم او يتهاوش وياه ويجي يصطرني

ودخل احمد البرادة وراح صوب البيبسي والا يشوف ناصر طبعًا ما يدري ان اهو اخو منار وراح اليه ناصر يقول اليه :

ناصر : قوة احمد ويش فيك يوم خطوبتك طحت
احمد : هلا هلا .. لا بس حسيت بدوخه وطحت
ناصر : انت ويش امجيبنك اهني ليكون اتغازل ؟
احمد واهو معصب : ليش شايفني مثلك يا بو البنات
ناصر بإستغراب : انا جاي اغازل تقصد أي صدق بصراحة انا جاي اغازل واحارس منورة
احمد معصب حده : وبكل وقاحة اتقول جذي قدامي صدق قليل حية
احمد هجم على ناصر وضربه وطيحه على الارض وقام يرفس فيه واتلايمت الناس وكل الي بالبرادة علشان يباعدون احمد من ناصر . << حشى هذي معركة

منار واهي واقفة لاحظت حركة غريبة بالبرادة فراحت بسرعة ودخلت وشافت احمد يعطي ناصر طراقات فراحت بسرعة مسكت يد احمد وقالت اليه :

منار : احمد خله يولي لا اتسوي فيه جذي
احمد : خله يتأدب هذا قليل حية
ناصر : محد غيرك قليل حيا وغير متأدب

وزادت الهوشة الى ان وصل حجي جواد وشاف احمد يضرب ناصر
حجي جواد : احمد ليش تضرب ولدي ويش امسوي ؟
احمد : حجي جواد ؟
حجي جواد : شنو سوى علشان تضربه
احمد : ولا شئ
ومشى احمد وقال الى منار :
احمد : إياني وياش تطلعين من بيت عمتي فاهمة
منار : انزين
دخلت منار بيت عمتها وراحت الى ابرار وقالت اليها عن كل الي صار
ابرار : بل والحين شنو بيقول حجي جواد عن اخوش ؟
منار : مو مهم شنو بيقول حجي المهم شنو بيسوي احمد فيني اكيد بيذبحني
ابرار : ما يقدر روحي انخشي ورى ابوش
منار : اكيد هذا الي بسويه
وجا الليل وصار منار لازم ترجع البيت جاء احمد الى منار . وركبت السيارة واهي اتطالع احمد على جنب وكانت خايفة . احمد كان خاطرة يرميها في الشارع وفعلاً دخل احمد في منطقة مظلمة ومخيفة وكانت في لبلاد القديم
احمد : بنجرت السيارة قومي نزلي
منار : شنو بنجرت ؟
احمد : أي قومي انزلي
نزلت منار وإلا احمد يمشي عنها ويخليها بروحها
منار : لا لا احمد لا اتخليني اهني اهئ اهئ
احمد مشى عن منار وخلاها في ذيك المنطقة المخيفة بس هو في الطريق فكر انه شنو بيقول الى امه وابوه وشنو بيصير الى منار وحن قلبه ورجع لها ولما رجع لها شافها مثل الميته كانت منبطحة على الارض ونايمة وكان مغمي عليها
احمد : منار منار انا كنت امزح معاش منار قعدي .
بس ما قعدت ، احمد خاف واجد قام واخذ منار وحملها وخلاها في السيارة ووداها البيت
دخل احمد واهو حامل منار على ايده
الام: ويلي ويش فيها منار ؟!
الاب: شنو في منار ؟
احمد : مافيها شئ بس نايمة، بروح اوديها غرفتها
الام: يالله ودها الظاهر تعبت واجد
ووداها غرفتها ونزل تحت يمبي يعرف اذا وصل الاب شئ من حجي جواد
احمد: يبى كلمك اليوم حجي جواد ؟
الاب: لا ليش؟
احمد : لالا ولا شئ
الاب: ؟؟

وراحوا ناموا وجه يوم ثاني وقعدت منار ، وراحت سريع الى غرفة امها وابوها

منار : اماه ابويي
الاب: ويش صاير ويش فيش؟
الام: ويش تبين
منار : امس احمد نزلني من السيارة ، في مكان يخوف وظلامة ومشى عني
الام: يمكن حلمانة روحي كملي حلمتش
الاب: ويش اتقولين وحقويش سوه جذي
منار : امس احمد اتهاوش مع ناصر بالبرادة
الام: ويش اتقولين؟
الاب: ناصر ما غيره ؟
منار : أي ابويي
الاب: اشوفه امس يقول الي ما كلمك حجي جواد ؟
منار : ايي لان خايف امنه
وهم قاعدين يسولفون نزل احمد
احمد: صباح الخير
منار : أي صباح خير ! ، امس ليش نزلتني في ذاك المكان
احمد: هاا ، ايي كنت امزح
منار : لا مو مزحة هذي
احمد : لو مو مزحة انجان رجعت لش؟
منار : ما تقدر ما ترجع
احمد : انزين صكي السالفة ، اماه ويش الريوق
الام: الي تبي ؟!
تابعونا بالاجزاء القادمه

الريوق = الفطور
اتلايمت = تجمعت
لوفري= مغازلجي
اوتعى = جلس - صحى

ترا بني جمرة و بلاد القديم اسماء مناطق بالبحرين

تسلمين شكلي المتابع الوحيد لقصتك تقدري تخليها سانيور لقصه
ههههههههههههههههههههههههههه

يعطيك العافيه يل انطر على احر من الجمر

والله طويلت لسان البنت


يعني تغلط ويحطوون الغلط على احمد

صدق ماعندهم سالفه

انا لو مكان احمد

لخي منار من الماضي


يلا ننتضر ذبحة منار ؟

الجزء العاشر :

في بيت ابو احمد

و احمد تريق وراح ويه لصبيان النادي وطلع الاب ويه الام راحو السوق وقالت منار ما تبي اتروح معاهم فظلت بالبيت بروحها ، وطبعًا سيدة على الكمبيوتر علشان الماسنجر والسوالف ، وكان ناصر قاعد:

ناصر : ليش جذبتين علي؟
منار: اني اني جذبت عليك؟
ناصر : قلتين بتجين البرادة وما جيتين
منار : اني توني بدخل الا اخويي قال لي ما فيه اتروحين البرادة انا بشتري اليش ، وعلي فكرة ما تدري ان احمد اخوي ؟
ناصر بصدمة : ويش اخوش ؟
منار : أي اخويي
ناصر : احمد الي تهاوشت معاه بالبرادة
منار : أي ، واني الي باعدت احمد عنك
ناصر : البنت الي دخلت وباعدت احمد اهي انتين ؟
منار : أي
ناصر اصيب بصدمة كبيرة بسبب صداقة الوالد بوالد منار وقرر انه ما يكلمها وكفاية الهوشات والفضايح ولما كان يفكر وصل ان احمد اهو الي دعمه ، لانه يدري ان اهو يكلم اخته منار ولأن منار قالت اليه مرة ( مو كفاية ان انت صادت اشياء واجد مثل الحادث وبعدين قالت ولا شئ) ناصر قطع الشك باليقين ان احمد اهو الي دعمه وراح سريع الى ابوه
ناصر : ابوي ابوي
حجي جواد : نعم
ناصر : تدري من الي دعمني؟
حجي جواد: منهو ؟
ناصر : احمد ولد رفيقك
حجي جواد : احمد ولد رفيقي محمود اهو الي دعمك ؟
ناصر : ايي
حجي جواد : متأكد انت ؟
ناصر : أي
حجي جواد : شلون.؟
ناصر : ابوي ابعترف الك بكل شئ << الاعتراف بالذنب فضيلة
ناصر : انا اكلم بنات على الماسنجر ومن ضمن هالبنات بنت رفيقك محمود واحمد عرف اني اكلم اخته علشان جذي دعمني بالسيارة وتهاوش معاي بالبرادة
حجي : علشان جذي لما رحنا خطوبته وجيت بتسلم عليه سوى روحه بيغمى عليه وطاح
حجي جواد : يعني انتو اثنينكم مذنبين
ناصر : لا ابوي انا ما بخلي حقي يضيع انا بشتكي عليه
حجي جواد : يعني بتروح الى الشرطة ، شنو بتقول ؟ بتقول انا اكلم اخته من جذي انا متأكد ان اهو الي دعمني ؟
ناصر : لا وجذي بقول شئ غير
حجي جواد : بروحه اذا اشتكيت هو بيشتكي وبيقول انت اتكلم اخته واحنا ما نبي فضايح ، ولا تنسى ان الموضوع حساس لان انه رفيق ابو احمد مو عدلة ان اشتكي على ولده ، احنا لازم انسوي اليكم صلحة
ناصر : عجل ما نبي صلحة ولا شئ وخله يولي وانسه السالفة

ومرت الايام وحست منار ان ناصر ما يبي يكلمها فقررت تنساه وتخليه يولي وكفاية المشاكل والمصايب الي صارت منها . وفي اليوم الثاني جاء ابو احمد وقال اليهم ان جايب لهم مفاجئة
الاب: عندي لكم مفاجئة
منار : ويش المفاجئة ؟
الاب: بنسافر!!
الام : وين بنسافر ؟
منار : بنروح لبنان
الاب: على كيفكم
الام: اني امبي اروح سوريا
احمد: انا امبي اروح البرازيل
منار : صدق فاضي
وقرروا انهم يروحون سوريا ويقعدون 3 اسابيع ، وبعدي يروحون لبنان ويقعدون اسبوع ويرجعون الى البحرين
وراحت ام احمد الى ام جاسم بيت جيرانهم وام جاسم قلودة واجد وكل الي اتسويه ام احمد اهي اتسويه فقررت اتروح وياهم . ام جاسم ما عندها بنات ، عندها 3 اولاد ( اكبر واحد عمره 20 قد احمد واسمه جاسم ، وبعده يجي عقيل عمره 15 يعني تقريبا قد منار ، بعدي علي آخر العنقود عمره 9 سنوات ) ، ومرت الايام كالطير المنطلق وجه يوم السفر وجهزوا روحهم ووصلوا الباص وركبوا .

منار : افف لو رايحين في طائرة احسن
الام: لا اني امبي اقعد ويه ام جاسم حق السوالف
منار : واني ويش اسوي ؟
الام: نامي
ام جاسم : لو عقيل بنية انجان خليتها تقعد وياش اتونسش
عقيل : ويش كأني سمعت اسمي
ام جاسم : لا ولا شئ
بعد اشوي المقاول ( حسين) يقول :
حسين: الباص في مكان ؟
اللي بالباص : ايي
سيد حسين : لان في عائلة بتجي

ويش تتوقعون يصير بالسفر ومن العائلة الي بتجي بالباص وتتوقعون منار اتحصل اليها وحدة اتسولف معاها ؟!
الجزء احد عشر :

منار ما تعرف احد بالباص الا ام جاسم وام جاسم كبيرة الحين منار اتسولف مع من ؟
عقب اشوي وقف الباص في جدحفص وركبوا عائلتين وياهم بنت قد منار وما كان اليها مكان مع اهلها
منار : تعالي اهني في مكان تحتنا اليش
وجت البنت وقعدت جنب منار
منار : ويش اسمش ؟
البنت : اسمي ايمان
منار : هلا والله
ايمان : انتو بعد رايحين سوريا مو ؟
منار : ايوة
ايمان : انتي شنو اسمش
منار : اسمي منار
ايمان : في أي صف؟
منار : ثاني إعدادي
ايمان : اني بعد
ومرت الساعات كالطير المنطلق وكل وحدة اتعرف نفسها على الثانية ومنار استانست لان حصلت لها وحده اتسولف معاها ، وصاورا ويه بعض فري مثل السمن على العسل ، وعقب اشوي وصلوا المحطة ونزلوا مع بعض ، وايمان اعيونها زايغة واجد وفيها اشوي بصاقه وهذا الشئ يصير لان بالمرحلة مراهقة ، وايمان شافت عقيل وكان عقيل احلى واحد في اخوانه وهو الوحيد بالحملة الي عمره متقارب الى عمرهم .

ايمان : شوفي هالصبي ابو الفانيلة السودة والبنطلون الجينز
منار : أي هذا ولد جيرانه
ايمان : احلفي
منار : صدقيني شفتين هذيك الي مناك هذي امه
ايمان : هذي الي كله تهدر
منار : ههه أي هذا اهي
ايمان : اهو واجد احلى منها
منار : ليكون عجبش ؟
ايمان : بصراحة ايي يهبل وانتين بعد عجبش لا تنكرين
منار : ولا على بالي ولا افتكر
وبعد فترة وجيزة دخلو الباص ، ومر اليوم على خير ، واخيرا وليس بالآخر وصلوا سوريا ونزلوا في فندق دار التقوى وكانوا واصلين بالليل وتعابه وراحو بعدين المطعم وكان المطعم جزء مخصص حق الحملة فقط وقعدوا بروحهم للرجال والنساء بروحهم وإيمان ويه منار قعدوا قبال عقيل ، وايمان ماتت وساحت على عقيل وكانت خاطرها عقيل يرفع راسه ويشوفها لكن عقيل كان خجول حده مثل البنات ، وكان لما يشوف بنت يطالع بالارض بالإضافة انه احلى من اخوانه وكان خلوق وكل بنت تتمناه >> ويلي

الحين الكل اتعشى وعطاهم المقاول حسين مفاتيح شققهم وراحوا ، وكانت بالصدفة شقة ام احمد قبال شقة ام جاسم وكانوا بالطابق الاول ، واما شقة اهل ايمان كانت بالطابق الثالث .

وسرى الليل و احنا ما سرينه وجاء الصبح واحنا ما درينا ، بعدين راحو المطعم علشان يتريقون وبيخلون منار اتجيب اليهم الريوق وقالت منار الى احمد ان اهي بتروح الطابق الثالث الى ايمان

وراحت منار الى ايمان بس احمد راح المطعم علشان يجيب الريوق
منار طقت الباب مال شقة اهل ايمان ، وطلعت اليها ايمان
ايمان : هلا هلا خالينه بروحنا اهني
منار : مساكين
ايمان : هذا حسين خالنه اهني
منار : منهو بعد حسين؟
ايمان : هذا المقاول
منار : ويش عرفني ابه
ايمان : هههه أي صدق وين شقة ولد ام جاسم ؟
منار : تقصدين عقيل ؟
ايمان : ايي
منار : قبالنه حقويش
ايمان : ويشو اقبالكم شان زين قبال شقتنا
منار : شكلش سايحة على الآخر
ايمان : امس حلمت فيه وانتي بعد ويانا بالحلمة << صار عقيل فارس الاحلام صج مراهقين
منار : ويش حلمتش؟
ايمان : حلمت ان عقيل شافنه في الشارع وقال لينه تعالوا اباوصلكم بس ما وصلنا ودانه للألعاب الي صوب الفندق.
منار : أي العاب
ايمان : المراجحين الي تحت الفندق ما شفتينهم ؟
منار : لا
ايمان : عجل ويش رايش العصر انروح اهناك يمكن تصدق الحلمة
منار : ههه اوكي
وبعدين راحوا المطعم ، والا يطلع في وجهم احمد
احمد: منار توش جاية
منار : كنت قاعدة اسولف ويه ايمان
احمد: انا بودي الريوق الى امي وابوي
منار : انزين
ايمان : هذا من؟
منار : هذا اخوي
ايمان : واني اقول هذا من ؟ بصراحة وسيم
منار : هي انتين عيونش زايغة على فكرة اخوي خاطب
ايمان : ويش اسوي فيه اصلاً اني خلاص احب عقيل << فاضيين
منار : انزين بس لا اتسيحين علي يالسايحة
واهم قاعدين يتريقون دخل عقيل ويه جاسم وعلي وياهم ، ومعاهم اثنين اولاد بعد
ايمان : منا الحقي شوفي من الي داخل
منار : ويش فيش منو الي دخل ؟
ايمان : عقولي
منار : صدق انش مراهقة
ايمان : انتي بعد مو بس اني
منار : صدقتين في هذي
دارت منار ورى علشان تشوف من الي جاي الا عقيل زايد بالحلاوة ، وذيك الحزة حست انها اتحس بالانجذاب اليه وساحت مثل ما يسيح الايسكريم بالشمس ، وقعدت اتطالع في عقيل << مسكينة اتحب
منار : ايمانو لش حق اتحبين شلون ما لاحظت ؟
ايمان : علشان اتحسين فيني
منار : ياربي وسيم يهبل
ايمان : يالبايقة خلاص حجزته الي << طاع هاذي مخرفة
منار : اخذي هذاك لصبي الي وياه اكو احليو
ايمان : ماني ماني اني امبي عقيل
منار : صدق احنا فاضيين الحين قلت امباه يعني خلاص بياخذني
ايمان : ليش لا ؟
منار : سكتي لا اتخليي اقول لش وش صار اليي
ايمان : ويش قولي ؟
منار : خليه بالقلب تجرح ولا يطلع برع ويفضح
ايمان : قولي الي يالنحيسة
منار : أني كلمت واحد وچذي وجذي ... الخ
ايمان : بل بل !!
منار : ما امبي اعاني اكثر مما عانيت اصلاً اني جاية السفر علشان انسى
ايمان : اني ما عندي سوابق والحمد لله
منار : كأنش تتطنزين
ايمان : لويش اتطنز
منار : قومي خلينه انروح اني كملت الريوق
ايمان : اني بعد بس امبي اقعد اطالع في عقيل اشوي << فاضية اذا طالعتينه بيوقف الاكل في حلقه
منار : روحي ولي
نزلة منار وراحت شقتهم
الام: تريقتين
منار : ايي
احمد : صار اليها ساعة تتكلم ويه ايمان
الام : أي هذي ايمان ؟
منار : ايمان الي قعدت وياي في كرسي بالباص
الام: ايي
احمد : مع السلامة انا بروح الى جاسم
منار : خذني وياك
احمد : وين آخذش؟
منار : لا خلاص
الام: اليوم الظهر بطلع بتجين وياي
منار : ايي
جاء الظهر وطلعت ام احمد ويه منار من الشقة
الام: منار حبيبتي روحي قولي الى ام جاسم بتجي ويانه ؟
منار : ان شاء الله
طقت منار الجرس والا عقيل فاتح الباب ، منار طالعت عقيل في عيونه واهو طالعها في عينها ، وفي هاللحظة اثنينهم حبو بعض ومنار حست ان قلبها يدق بسرعة >> لحظات رومانسية !!
عقيل : نعم
منار : اهني ام جاسم >> مستحية
عقيل : لحظة ، اماه جاية لش بنية
ام جاسم : من اهي؟
عقيل : من ؟
منار : اني منار بت ام احمد
عقيل : يعني انتي اخت احمد
منار: أي
عقيل : امااه هذي منار
الام : يؤؤ خلها تدخل
عقيل : اتفضلي
دخلت منار وعقيل ما شال عيونه من عليها واهي اتقول في قلبها : وينش يا ايمان ؟

منار : سلام ام جاسم
ام جاسم : عليكم السلام ويش احوالش بتي
منار : الحمد لله
ام جاسم : وين امش
منار : امي تحارش برع اكي تبي اتوقف الينه تاكسي
ام جاسم : يالله اتوكلنا على الله
عقيل : اوصلكم؟
ام جاسم : ليش
عقيل : لان السواقين السوريين مال اليهم امان >> موب لله
ام جاسم : يلا عجل
راح عقيل ويه منار وامه ، وكانت ام منار تبي توقف تاكسي ولا تاكسي وقف اليها كلهم مشغولين
ام احمد: صار الي ساعة واني واقفة ، ما حصلت الينا تاكسي كلهم مشغولين
عقيل : هذي المنطقة ما يمرون فيها تكاسي واجد بروح انا مناك بجيباليكم تاكسي وراجع ، وراح جاب اليهم تاكسي ، وفي هذا الوقف كانت ايمان اطالع من الدريشة ما اتشوف الا عقيل ومنار وامهاتهم راكبين في تاكسي وجتها حومة ، وبعد اشوي عقب استانسوا رجعوا ، وتركض ايمان بسرعة الى منار
ايمان : منار تعالي امبيش؟
منار : ان شاء الله
وراحت منار شقة ايمان ودخلت وراحو حجرة ايمان وصكت الباب
ايمان : يالخاينة اني الي حبيته قبلش
منار : ويش هالخرابيط اهو قال بيوصلنا ويش اقول ابيه ما يحتاج
ايمان : أي ويش فيه
منار : روحي ولي بصراحة اني الحين متمسكة فيه وايد
ايمان : لا عيوني
منار : يوم قص شعره امريكي صار احلى واحلى يهبل
ايمان : واني ويش اسوي
منار : حبيه محد قال لش لا اتحبينه
بعدين لا تنسين ان كلها كم اسبوع وترجعين ديرتش وما بتقدرين اتشوفينه بعدين
ايمان : ليش ما اقدر
منار : ليكون بتسوين سالفتي؟
ايمان : بقول الى اخويي حسين يجيبني بيتكم
منار : لا والله اتجين بيتنا علشان اتشوفين حبيبي
ايمان : أي والله تقولين حبيبش لان حبيبي
منار : احلمي يا عيوني يلا باي
ايمان : مو اتروحين بيتهم
منار : مو على كيفش راحت بيتهم وايمان صارت تكرها عدل بصراحة سخيفين يتهاوشون على صبي
دخلت منار بيتهم ولا اصبي قاعد اهناك استحت وسيدة دخلت الحجرة
منار : اماه هذا منهو؟
الام: هذا حسين رفيق اخوش
منار : ليكون اخو ايمان
الام: أي اخوها
منار : بصراحة من نظراته شكله ان لوفري لا اتخلين احمد يمشي وياه
الام: احمد الحين رجال ويعرف يفرق بين الصح والخطأ
منار : اني قلت لش يعني
لما كانت منار ك ويه امها كان حسين ويه احمد بالصالة وحسين عيونه زايغة مثل اخته ولوفري بكل معنى الكلمة
حسين: احمد هذي من الي دخلت
احمد : هذي اختي الصغيرة
حسين : ليش يعني عندك اخت كبيرة
احمد : لا
حسين: قوم نطلع
احمد : وين انروح
حسين : أي مكان بس ما نقعد مثل النسوان
توهم بيطلعون والا الام امسوية اليهم عصير وجايبتنه اليهم
ام احمد: وين رايحين تعالوا جيبين اليكم عصير
احمد: هذا حسينو يبي يطلع يحسب اهني مثل ديرته
ام احمد: منار روحي اشتري كيك او شئ بنخليه للصبي مو عدلة
منار : انزين
حسين : لا ما حتاج اتعبون روحكم
حسين كان يطالع منار بنظارت خبيثة ومنار ما كانت مرتاحة اليه من نظراته وكانت خاطرها يطلع لان صدق قليل اجب ولوفري اصلي
راحت منار واشترت وحطت الاكل قدام حسين ، وحسين قعد يطالعها بذيك النظرات بابتسامة عريضة على وجهه .
منار كشرت في وجهه ودخلت داخل الحجرة وجت وراها امها .

نلقاكم بالجزء القادم

بخلي المقاول اسمه سيد حسين علشان ما تتخربطون ويه الثاني اللي اسمه حسين وهو اخو ايمان

يعطيك العافي علي هالموضوع

لله يعافيك
يسلمو على المرور والرد

يلا يلا لا تشوقينا وبعدين تنسين القصه


وين الجزى الجاي

اترقب على احر من الجمر والله انك ابداع

آيه صدق شوقتينآ...آلحـرف يآخـي انت وش فيك صآيـر..فيك من اليهآل..>< مسوي كبير

لعيونكم هالاجزاء

الجزء الثاني عشر:

الام: منار حقويش كشرتين في وجهه لصبي
منار : اماه شوفي شلون يطالعني يسوي الي حركات ويخوف لوع جبدي خله يطلع
الام: لا سوى شئ ولا شئ
منار : بلى سوى
الام: روحي بلا هرار
منار : اماه قولي الى احمد اليوم الساعة 5 يوديني الالعاب الي صوب الفندق
الام: قولي اليه انتين اذا رضى
منار : ما بيرضى اذا اني قلت اليه ، انتي قولي اليه
الام: انزين بقول اليه
لكن بعدين قررت ام احمد ويه ام جاسم وبعد نسوان اللي في الحملة يروحون هناك وراحو بعد اصبيان كلهم وايمان بعد راحت واياهم
وصلوا صوب الالعاب ، وركبت منار صوب ايمان وكان بعد وياهم ناس في اللعبة الي راكبين فيها وجاء احمد بيدزهم
احمد: يلا برزوروحكم عقب اشوي بتطيرون في السماء ولحد يطالع الارض
وإلا جاي حسين ومدخل روحه في السالفة
حسين: انا ابادزهم اوكي
احمد : على راحتك
ايمان: عفية اخوي نبي بالفول << لا بالحمص (بالفول = بالقوه)
حسين : اووكي
وقعد يدزهم بس ما كانت منار مستانسة لان لايعة جبدها من حسين
منار : لحظة وقف
حسين : اتامرين امر >> واهو يطالعها بذيك النظرات
نزلت منار وهو يطالع فيها وينزل النظارة الشمسية ، ومنار كانت منقهرة حدها وبعد اشوي جه عقيل ويه اخوانه كان عقيل جاي صاير قادم وعلى جنبه اخوانه علي وجاسم وصاير كأنه ملك وجنوده ، وعقيل عطا حسين نظرة حارة وحسين فهمها وقام يدز وخلاها في حالها ، ومنار فهمت ان عقيل يهدد حسين عن طريق النظرات الي عطاها وياه وهذا معناته ان يحبها في هاللحظة عصبت ايمان واجد لان بعد فهمت السالفة ض6 ، وكانت منار بتطير من الوناسة في هاللحظة ، وبعدين راحت تلعب واستانست ض17 ورجعت الفندق ، وجاء الليل وراحو المطعم بعد ما راحوا يصلون
منار : اليوم العصر عجيب له
احمد : أي لانه انتي تلعبين وانا اشتغل عندش
منار : أي لان انت اخوي
الام: سوريا حلوه مو مثل البحرين
احمد : أي والله صدقتين اماه
منار : اني جوعانة متى بيحطون العشا؟
الام: احين بيحطونه
قعدوا اشوي ولا جابوا العشا قالت منار في قلبها عجل بقعد ادور بالمطعم يمكن احصل عقيل ، واثناء ما اهي اتدور عقيل طلع في وجهها حسين اللوفري وقعد يطالع فيها الا عقيل جاي ويركض حسينو من الخوف مع ان حسين اكبر من عقيل الا ان عقيل وصاير جسمه مثل الرجال وضخم ولما كان حسين يركض طاح على وجهه ومنار ما قدرت انسدحت من الضحك ض12 وعقيل ما يبي يضحك لكن الموقف يضحك فضحك وما قدر يجود ضحكته ض11 ، احين منار اذا ضحكت ويش يسكتها ؟
وجا اليهم احمد
احمد: منار قومي فشلتينه بسش ضحك
منار : مو قادرة الموقف مضحك
احمد: قومي لادفنتش ض6
منار : انزين
قامت منار راحت تتعشى وهي تتعشى لاحظت ان عقيل يطالعها فزاد حياها ض22 وبعد ما اتعشوا واستانسوا راحو ينامون .
ومرة ثلاثة اسابيع واهم على هالحال حسين يزعج منارر ويجي عقيل ويعطيه نظرة ويهرب واتجي ايمان واتعصب وكل يوم هذي حالتهم ، وجاء اليوم الي بيروحون فيه لبنان ركبوا الباص لكن منار اتأخرت فصار ما اليها مكان مع النسوان شنو اتسوي الحين ؟
سيد حسين (المقاول) : الحين وين انحطش
احمد : تعالي قعدي وياي محد وياي
منار : انزين
وكان احمد في صفة الرجال يعني لصبيان كلهم هناك وراحت منار وقعدت تحت احمد وكان قبالهم جاسم وعقيل
الجزء الثالث عشر:
في الباص :

كان عقيل قاعد يطالع في منار واهي اتطالع فيه ، جاسم الا اهو اخو عقيل لاحظ هالشئ في عقيل ماشال عيونه من على منار وحتى علي اخوه الصغير لاحظ بعد
جاسم: عقيل
عقيل : نعم؟
جاسم : ما شبعت؟
عقيل من ويش؟
جاسم : لا اتسوي روحك ويش بسك عاد
عقيل : ويش انا سويت ؟
جاسم كلم عقيل بصوت منخفض في اذونه: بسك مغازل
عقيل : هههههه
جاسم : شكلك سحت
عقيل : ايي
منار فهمت الكلام الي قاله جاسم وشنو يقصد بالضبط بهالكلام ، وفي هاللحظة كان الباص هادئ وممل حده شنو يسوون ما كان غير المرشد السياحي قاعد يشرح ليهم عن مغارة جعيتة وشلون اكتشفوها
عقيل : كأني قاعد في حصة علوم
الكل قام يضحك ، والكل متملل من شرح المرشد السياحي وبما ان حسين قليل ادب ، إذًا رد على المرشد
حسين : يا اخي ما ذبحتنه لوعت جبدنا ممكن تسكت اشوي ما نبي نعرف شئ الله يخلي لك امك >> اذا كانت عايشة
المرشد السياحي : ممكن اذا احد بيتكلم معي يتكلم باحترام ، ويحترم نفسه ض6
حسين : انا محترم نفسي قبل لا اعرفك حبيبي
ابو حسين ما قدر يتحمل قلة ادب ولده وشنو بيقولون عنه الي بالباص وعلى فكرة ابو حسين اسمه جهاد
جهاد (ابو حسين): حسين خلاص اسكت
حسين: عور راسنا الاخ
جهاد : خلاص بدون نقاش
ابو احمد: صلو على النبي يا جماعة
المرشد: خلاص انا ما راح احكي شئ
حسين : احسن زين سويت
عقيل : اخيرا بنرتاح اشوي وبنفتك
منار : هههه
احمد: سيد حسين متى بنوصل؟
سيد حسين : قريب قريب
احمد: باقي اشوي واتقيأ
منار : اتباعد عني ما امبي البالطو يتوصخ
احمد: سكتي لا دفنتش ض6
منار : انت كله بتدفني وين بتدفني اهني بالباص ؟
ابو احمد: انتو كله تتهاوشون ؟
منار : اففف
احمد: ولا تقل لهما اف ، ولا تنهرهما ، وقل لهما قولاً كريما
منار : مالك خص
احمد: منهو كلمش
منار : منهو كلمك
عقب مدة وصلوا مغارة جعيتة ونزلوا راحو بيقصون تذاكر علشان يركبون التلفريك
ام جاسم : يا الله يخوف اني ما بركب
جاسم: بلا هرار اماه ما يخوف ولا شئ
ام احمد: اني بعد اخاف بنركب ويه بعض
ام جاسم : ايه
وركبوا التلفريك ام جاسم ومنار وام احمد وابو احمد في التلفريك الاول ، وابو جاسم وجاسم وعلي واحمد وعقيل في التلفريك الثاني ، وايمان وعائلتها في التلفريك الآخر .
ووصلوا مغارة جعيته ودخلوها ونزلوا تحت والحين لازم يركبون اللنج
ام جاسم : يؤؤؤ ماني راكبة اني يخوف!!
ام احمد: اني بعد ما بركب
ضلت منار بروحها والباقي كله صبيان
ابو احمد: مسكينة منار بتي بروحها مرة ثانية بنجيب وياش ابرار عن بروحش
منار : السنة الجاية
ابو احمد: ان شاء الله
كانوا في اللنجة بس يمشون فوق الماي (عيل يمشون فوق وينه الارض) تمللو واهم قاعدين قامو ويش يسوون ، قام جاسم واخذ ماي وسبح ابه احمد ، واحمد قام سبح منار بماي وصار كل واحد يطفر على الثاني ماي على الثاني وعقيل شاف محد يدري وقام يطفر ماي على منار ، ومنار قامت تضحك مستانسة ، وبعدين رجعوا وركبو الباص بيروحون مكان ثاني ، واهم في الباص :
منار : الله يغربلكم سبحتوني
احمد: علشان لا تركبين ويه لصبيان مرة ثانية
جاسم: احنا ما سوينه فيش شئ هذا اخوش
علي : انا شفت عقيل يطفر ماي على منار
عقيل : انا ما كنت اقصد صدقوني ض22
منار: عادي اوردي احمد سبحني
احمد: عادي عقيل منار مثل اختك
عقيل : طبعًا
منار : احم احم ض22
احمد: ويش فيش تتحمحمين
منار : اشوي برد من الماي >> شليخة
الجزء الرابع عشر :

الحين هم قاعدين في الباص تعبانين واحمد من كثر التعب نام وعقيل بعد نام وكل الي بالباص تقريبًا ناموا، بس منار كانت قاعدة وحسين بعد كان قاعد صدق الي قال ( الروس نامت والعصاعص قامت ) حسين كان يطالع منار بنظرات خبيثة ، ويوم كان يطالع منار قعد عقيل وسيده حسين يقعد مكانه ، وبعد اشوي منار عطشت شنو اتسوي الماي صوب لرجال تستحي اتروح صوبهم
منار : احمد احمد اقعد امبي ماي عطشانة حدي
عقيل سمع منار وبما ان احمد نايم قام عقيل وجاب اليها ماي ..
عقيل : اتفضلي
منار : شكرا
ولما كان عقيل يعطي منار كاس الماي قعد احمد وما قال شئ ، كان عنده عادي لانه يثق في عقيل ويعرف اخلاقه ، بس منار خافت واجد فعلشان تنقذ الموقف
منار : انت كنت نايم واني عطشت وقعدت امبي اقعد فيك ما قعدت امبيك اتجيب الي ماي ما قعدت ، خليت لصبي يتعب روحه
احمد : لا عادي عقيل مو غريب
عقيل حس ان احمد عادي عنده
عقيل : احمد صادق بكلامه خيو انا مو غريب
منار : لا يعني بس تعبتك
عقيل : من بعد الماي اكو صوبنا يعني ما يتعب
منار : احمد هاك ود لقلاص
عقيل : جيبي اباوديه
احمد: جود ما قصرت، ترى مو تزعل ترى هذي امأذتني امسوتني خدامة عندها
عقيل : لا عادي انجان زين عندي اخت
منار كانت قاعدة اتسولف مع عقيل واحمد ما كان عنده مانع كان عادي، ذيك الحزة كانوا حسين وايمان معصبين ض6 ض6 ، كان حسين يحب منار وايمان اتحب عقيل ، وعقب اشوي نزلوا في المطعم علشان يصلون وبعدين صلوا وراحو المطعم ، والمطعم الي راحوا فيه كانت الطاولات توسع الى ناس وايد فقام احمد وقال الى جاسم يجي اهو واخوانه وابوه وياهم وقعدو كلهم على الطاولة وحدة وكانت منار مستانسة حدها يا فرحة ما تمت صار شئ بالحرى شافت ناس ما اتحبهم دخلوا المطعم من هذلين ؟!


اكيد بيروح بالكم الى ناصر وحجي جواد ، موب اهم الي جايين المطعم ، هذول شخصيات جدد وهذي اسره ادت منار واجد لما كانوا وياهم في احدى السنوات في مثل الحملة علشان جذي منار اتضايقت لما شافتهم واهي الاسرة مكونة من : الاب (مصطفى) وهو خريج سجون وعاطي اولاده الحرية في كل شئ يبون يسوونه ، والام (خاتون) واهي اخس من زوجها تقول ان العيال كبروا يدبرون روحهم بروحهم بعدين الاولاد : محمود شاب عمره 25 سنة الاكبر في اخوانه وطايش وطالع على ابوه ، بعدين البنات ، علياء عمرها 13 سنة مراهقة واتحب تتزين وتتعدل وتتعلف بالصبيان ض16 ، وبعدين نور عمرها 18 سنة واهي الاحسن من بين اخوانها وما تحب اتذي الناس وكل همها اتخلص الدراسة ، وكانت اتحب منار واجد ، حتى انها فرحت لما شافتها مرة ثانية
نور : منار هلولو انتي اهني
منار : هلا شخبار
منار بعد كانت اتحب نور واجد وقامت لها وباستها وحضنوا بعض واهم فرحانين
علياء : هلولو
منار : هلولو >> عاشت هلولو
وبعدين راحو وقعدوا بروحهم على الطاولة
والا احمد يقول : افف هذول ما اذونه
ابو احمد: خلهم يولون
منار : اني ازيد وحدة اتأذيت منهم
الام: هذلين يا دافع البلاء اشكالهم مال بلاوي
احمد: طالعوا محمود يخرع
منار : قول اليهم
احمد : منهم
منار : رفقانك الي يطولون شعرهم
احمد: انا ما عندي رفقان يطولون شعرهم
منار : وحسين؟
احمد: حسين مو رفيقي
الاب : ما تدرون ؟
احمد ومنار والام: شنو ؟
الاب : سيد حسين خلاص كنسل من بكرا بنرجع العصر بنرجع البحرين
الجزء الخامس عشر :

الام : يؤؤ ليش ؟
الاب: والله ما ادري
احمد: المقاول اسمه سيد حسين
منار : أي
احمد : ويش دراش
منار : ايمان قايلة الي
احمد: على طاري ايمان اشوفش متخاصمة وياها
منار : لا ولا شئ بس اتهاوشنا
احمد: على ويش عاد؟
منار : ما يخصك
احمد: مردي بعرف من اخوها حسين ترى ايمان اتقول الى اخوها كل شئ مو مثلش
منار : عليه بالعافية
احمد: يعني ما بتقولين
منار : لا
احمد: قولي لا دفنتش
منار : ابويي شوفه
الاب: قولي اليه
منار : هي قليلة ادب وباصقة وكل تتكلم عن صبيان
احمد : احم احم
منار : مشكل مشكل
سيد حسين: يلا روحوا الباص بنوديكم الفندق ترتاحون
وقاموا راحوا الفندق ، وراح احمد يقول الى حسين عن الي قالته منار عن اخته
احمد: منار قالت عن اختك جذي وجذي .. الخ
حسين : عادي ويش صار؟
احمد: آسف اذا اتدخلت
حسين : لا عادي تعال بقول لك
احمد: قول
حسين : بس مو اتعصب
احمد: ما بعصب
حسين : اختك قمر
احمد: مو احلى مني
حسين: انا ما امزح بس بصراحة انا لاحظت عقيل وايد يضايقها >> يشيش
احمد: لا بالعكس
حسين : بلا انا اشوفه واجد يطالع في اختك
احمد: اباخذ حذري منه
حسين: اوكي باي انا بروح انام
احمد: باي
حسين: باي
احمد ما اثر فيه الكلام الي قاله حسين بس راح يسال منار عن عقيل
احمد: منار منار
منار : نعم
احمد: تعالي بقول لش شئ
منار : ويش
احمد: حسين يقول ان عقيل يزعجش
منار : لا يزعجني ولا شئ
احمد: عجل ليش يقول جذي
منار : لانه حمار
احمد: عيب
منار : وعلى فكرة حسين واجد يزعجني قليل ادب
احمد: اتاريه اهو الي يزعجش ويبي يحط على عقيل لانه انا واجد ارتاح اليه وواثق فيه
منار : ايوة شاطر يا محقق كونان
احمد: بكرا اراويه هالحمار
منار : عيب
احمد: روحي نامي
منار : انزين
وراحوا ينامون واحمد ينتظر متى يجي الصبح علشان يأدب حسين
وجا الصبح واحمد بسرعة راح الى حسين
احمد: آي يالكلب
حسين: انا ويش امسوي؟
احمد: تبي اتشيشني على عقيل
حسين: الظاهر ان عقيل شيشك عليي
احمد: اصلا انا لا شفته ولا كلمته
حسين: على فكرة اختك المصون منار اتحب عقيل وعقيل يحبها
احمد: تبي بعد اتشيشني على اختي يالحمار
حسين: انا ما اسمح لك
احمد: مو لازم تسمح
وقاموا يتهاوشون وسمعوا لصبيان وراحو اليهم ، علشان يفككون الهوشة وبما ان حسين يخاف من عقيل ، بس جا عقيل شرد حسين
عقيل: ويش صاير ليش الهوشة ؟
احمد: هذا حسينو النذل يتعلف في اختي
عقيل : افا يالكلب اوريه
احمد: خله يولي هالحمار موب بس جذي قاعد يشيشني عليك بعد ، وقال عنك كلام ما ينقال
عقيل: مثل شنو؟
احمد: بخصوص منار
عقيل : الحين فهمت

الجزء السادس عشر :

احمد: شنو الي فهمته ؟
عقيل : من قبل كم اسبوع يعني من اول ما وصلنا سوريا كان حسين يضايق منار وانا اعتبرها مثل اختي
احمد: أي طبعًا
عقيل : فاسوي حركات بعيوني واهو يخاف ويشرد << صدق جبان >> وعلشان انا مو عاطنه فرص يتعلف حب يبعدني عنك ، ويشيشك عليي
احمد: صدق حمار
في هاللحظة عقيل فرحان بسبب الموقف الي صار اليه وبعدي جا العصر واستعدوا للرجوع الى ارض الوطن ، منار كانت كل يوم تتكلم مع ناصر على الماسنجر والموبايل ، ولما سافرت سوريا ما قدرت تتكلم معاه ، حسن منار ان له وحشه>> صدق خبلة

ولما وصلوا البحرين رجعوا البيت سيده راحت على التلفون علشان تتصل في ناصر ، واهو ما يبي يكلمها

منار : الو
ناصر : نعم
منار : ما وحشتك
ناصر : لا
منار : اكيد تمزح
ناصر : لا ما امزح وعلى فكرة لا اتكلميني مرة ثانية وقطع ناصر الخط في وجهها ، منار قعدت تصيح وذبحت روحها من لصياح <<

وجا الصبح وقعدت منار ، وناس داخلة وناس طالعة من بيتهم يتحمدونهم السلامة

منار : اماه احمد راح الى افراح؟
الام: لا بعده فوق
منار : ايوة
راحت منار الى اخوها
منار : احمد ودني وياك الى افراح
احمد: لا ، رجال ويه خطيبته وانتي وش يحشرش بينهم
منار : روح ول غصبًًا عليك بروح
احمد: بس انا بعدين بطلع وياها واباوديش الى ابرار
منار : اوكي
وراحت منار ويه اخوها الى افراح وبعدين اهم بيطلعون واهي بتروح الى ابرار بنت عمتها واهني الطامة الكبرى ...

دخلت منار بيت عمتها وسلمت عليهم ودخلت ويه ابرار الى غرفتها ، وقالت منار الى ابرار كل شئ اللي صار في سوريا ولبنان ، وابرار فاطسة عليها من الضحك ض12
ابرار : هههههههه ويلي على الرومانسية ض20 ض1
منار : بس رومانسية كأني في فيلم هندي
ابرار : احس ان حياتش كلها على بعضها فيلم هندي
منار : هذي حياتي شنو اسوي بعد
ابرار : انزين سولفي لي عن عقيل << فاضية
منار : وش اقول لش غير الي قلته لش

ولما كانوا قاعدين يسولفون دخلت عليهم سعاد وهذي اتصير ام ناصر الا اهي مرت حجي جواد ، بس منار ما اتعرفها
ابرار : هذي ام ناصر
منار : سكتي لا اتذكريني
ابرار : شنو ؟
منار : ولا شئ ، انزين هذي شنو اتسوي جاية بيتكم؟
ابرار : ما ادري.؟
دخلت ام ناصر وسلمت على العمة وعلى البنات والحين بتعرفون شنو تبي ؟
ام ناصر : معزومة على خطوبة ولدي ناصر
العمة : خلاص بتخطبون اليه
ام ناصر : أي ذبحنا من لهياتة بالشوارع
العمة : أي زين سويتين
منار : احنا معزومين؟
ام ناصر : انتي من ؟
العمة : هذي بنت اخوي محمود
ام ناصر : أي اكيد حجي جواد عزمكم لان رفيق ابوش
منار : ما اعتقد
ام ناصر : ليش ؟
منار : مجرد خلافات عادية
ام ناصر : المهم انتو بعد معزومين اني اتأخرت بروح لان باقي علي بيوت واجد اعزمهم . مع السلامة
العمة : الله يسلمش
ودخلت منار ويه ابرار الحجرة
منار : عجل من جذي صك التلفون في وجهي وقال الي لا اتكلميني مرة ثانية اتاريه بيخطب لكن ما اكون منار بنت حجي محمود اذا ما خربت بينه وبين مقرودة الحظ الي بتاخذه >> الله يستر

تتوقعون منار شنو بتسوي ؟

في بيت العمة :

ابرار: ويش بتسوين يالمقرودة
منار : بقول اليه الحقيقة
ابرار : أي حقيقة؟
منار : حقيقة ناصر بعد شنو؟
ابرار: عاد شنو؟
منار : انه لوفري ومغازلجي وقليل ادب وغيه وغيره .. الخ
ابرار: لا اتسوين لش سوالف خليه يولي
منار : ماني ماني
ابرار: كيفش ترى هذا مجرم ويمكن يقتلش
منار : ما يقدر واخوي احمد وين راح
ابرار: احمد السايح افراح ما شفتينه ذاك اليوم يتكلم واهو يحضن السكان
منار: هههههههه متى؟
ابرار : ذاك المرة هو جاييوصل وحدة اهني بيتهم
منار : اهاا قصدش في شغله
ابرار: الله والشغل
منار : لا تطنزين على شغل اخوي
ابرار: ما يناسب اخوش هالشغلة يوصل ناس هالشغلة مو من مقامه ابدا وتناسب ناصر هالشغلة علشان لمغازل
في البنات
منار : هههههههههههههه صدقتين في هذي
عقب اشوي الا هرن وطلعت منار الا اخوها احمد جاي وراحت بيتهم وصلت واتعشت وركبت فوق غرفتها
منار هالليلة ما كانت فيها نومة وقعدت وانبطحت على السرير واتفكرواتفكر وقعدت اتقول في قلبها : اني بنت مراهقة صدق لأن الاشياء الي اسويها تنطبق على مراهقين ، آه سويت اشياء واجد وبديت فترة المراهقة بفضايح وسوالف وحصلت جزايي من اخوي احمد لكني ما تبت للحين ، اني متى بفهم ومتى ؟ بعديفيهالمرحلة الي كله مشاكل وكانت اتعس ايامي فيها بس بعد قصص الحب والرومانسية حليوة بس مو دائمًا لأني ما اعرف شنو فيه هالانسان الي سلمته قلبي وحبي ، خطأت لماسلمته قلبي وطلع انسان خبيث ، والحين بسلم قلبي الى عقيل بس عقيل لأني اعرفه عدل واخوي بعد يعرفه يعني ضامنتنه ، اوووف شنو اسوي يا ربي الحين شنو الحل ؟؟ صدق عقيل خوش صبي بس ما اعرف شنو اسوي يا ربي ؟ ياليت اغمض عين وافتح عين الاقي روحي كبرت ونسيت الماضي المنترس في الذنوب والاخطاء آه حلم وياريت يتحقق .
مرة سنين وكأنها طير يطير بالسماء على منار ، ومنار راحت الجامعة واتفوقت وصارت كاملة والكامل الله ، وكان ناقصها ان اهي تتزوج وتدرون ان منار اتحب عقيل ، وعقيل يحب منار ومع الايام زاد حبهم الى بعض ، يعني كل من الطرفين يحب الآخر << عليهم بالعافية هههههههههه
وفي يوم من الايام راحت ام جاسم الى بيت ام احمد
ام جاسم : السلام
ام احمد: عليكم السلام
ام جاسم : شحوالش؟
ام احمد: الحمد لله
ام جاسم: ويلي اكبرنا يم احمد
ام احمد: أي والله اكبرنا ، والاولاد كبرو بعد
ام جاسم: على طاري الاولاد اني ولدي الحمد لله اشتغل وتخرج وحصل شغل وما باقي الا اعرسه
ام احمد: أي واحد؟
ام جاسم : جاسم
ام احمد: حقوي ما اتعرسين جاسم وعقيل مع بعض ، والله عقيل بعده ما حصل اليه شغل؟
ام جاسم: لا حصل اليه
ام احمد: في وينه
ام جاسم : في مواصلات ... اكو الحين يوصل
ام احمد : عجل عرسيهم اثنينهم مرة وحدة
ام جاسم : اني عندي الى عقيل بنية وامبي اخطبها اليه
ام احمد: منهي هالبنية ؟
ام جاسم : منار بتش ما بحصل احسم منها
ام احمد: وعقيل قلتي اليه؟
ام جاسم : وحقويش اقول اليه؟
ام احمد: يؤ يمكن يبي ياخذ بنية على كيفه
ام جاسم: لا اني ولادي ما يطالعون بنات الناس اني الي اعرسهم
ام احمد: انزين ويش رايش اليوم انروح اندور الى ولدش بنية
ام جاسم : ان شاء الله
وراحت ام جاسم علشان اتقول الى عقيل انه بتخطب اليه والى اخوه
ام جاسم : عقيل عقيل
عقيل : نعم اماه
ام جاسم : وين اخوك؟
عقيل : أي واحد
ام جاسم : جاسم
عقيل : برع بعده ما جه
ام جاسم: انزين يا ولدي تعال بقول لك شئ
عقيل : وش؟
ام جاسم : احين يا ولدي انت كبرت واني امبي افرح فيك وما بقى من العمر كثر ما راح يا ولدي ، اني امبي اخطب لك
عقيل احمر وجهه تدرون لصبي خجول
ام جاسم: ها ويش قلت يا ولدي
عقيل : ويش؟
ام جاسم : خلاص اتوكل على الله واخطب اني كلمت ام لبنية باقي بس نخطبها رسمي
عقيل: ها كلمتين ام لبنية بدون ما اتقولين الي
ام جاسم: للحين ما صار شئ
عقيل: يمكن ما امبيها
ام جاسم: حقويش ما تبيها ، خلاص اني كلمت امها
عقيل : الي اتشوفيه اماه
عقيل زعل واجد لان يبي منار وهو ما يدري ان لبنية اهي منار
في بيت منار :
الام: يا بتي احين انتي كبرتين وكملتين دراستش وتخرجتين وحصلتين شهادة وقريب بتشتغلين
منار : ايي
الام: اليوم يا بتي جت وحدة خطبتش الى ولدها
منار : من اهي؟
الام : لين صار كل شئ رسمي بتعرفين
منار : امااه عاد قولي من؟
الام: الحين ما بقول لش ، لا اتعبين روحش ما بقول لش الا لين صار رسمي
وصاروا عقيل ومنار اثنينهم في حيرة ، بس عقيل كان اكثر لان منار شاكه في ان ام جاسم اهي الي خطبتها الى ولدها
وجا اليوم الثاني وقالت ام جاسم لنها بتروح حق تخطب رسمي وللحين جاسم ما حصوا اليه بنية
ام جاسم: يالله عقيل البس وتعدل يا ولدي
عقيل: ان شاء الله اماه
وطلعو من بيتهم وطقول باب بيت ام احمد
عقيل: اماه حقويش جاية الى ام احمد ليكون اهي بعد بتروح ويانه ما صارت هذي عاد كل مكان ويانه وهي حيالله جارتنه >> معصب حده
ام جاسم: ويش فيك اشوي اشوي
ام جاسم: انته ما تدري ان اول اني بخطب لك من؟
عقيل : لا
ام جاسم: ابخطب لك منار بت ام احمد
عقيل: ويش منار منار ما غيرها صدق اماه
عقيل جن جنونه في هالحزة ةطار من الفرحة وحتى عيونه دمعت من الفرح وكانت مفاجئة ولا اروع الى عقيل.
ام جاسم : أي صدق منار ويش فيك
عقيل: لا بس انا احسب وحدة غير منار
ام جاسم : يعني لو سألتك تبي من اخطب لك بتقول منار
عقيل : أي طبعًا
ام جاسم : حقويش
عقيل : لا بس لان انا ما اعرف غيرها
انزين صار اليها مدة واقفين تحت الباب يسولفون ويوم خلصوا طقوا الجرس فتحته اليهم ام احمد وكملوا كل شئ واستانست منار واخيرا حلمها اصبح حقيقة ووافقت على طول والحين يوم الخطوبة ، وطبعًا منار ما قصرت عزمت الي كانوا وياها بالمدرسة والي اتحبهم والي تكرههم ( ايمان) وابوها راح عزم حجي جواد وولده وما يندرى يروحون ولا لا ؟
ولبست منار وجهزت واتمكيجت صارت كأنها ملاك ، وتنتظر اللحظة الي تمسك فيها يد عقيل وتحس انه زوجها على سنة الله ورسوله .
وجت اللحظة الي تنظرها منار ومن سنين دخلت منار وكانت خايفة ، وتدرون الواحد لازم يخاف، وراحت منار وقعدت على المسرح وعقب اشوي ، دخل عقيل ومسك يد منار وكانوا اثنينهم منظرهم مضحك ومنار فيها الضحكة مو قادرة باقي اشوي وتضحك ، واشوى ما ضحكت بعدين يقولون عنها مجنونة ، وفي الخطوبة جت ايمان وابرار وافراح وراحوا يباركون الى منار ، وايمان منبط جبدها، وكان مع افراح اختها واسمها فاطمة ولما شافتها ام جاسم ، عجبتها وقالت بتخطبها الى ولدها جاسم ، وكان عقيل ومنار غير عن كلش عن أي خطيب وخطيبته ، لان الاغلبية يكونون مستحيين لكن منار اتسولف ويه عقيل وتضحك حدها واكيج تبون تعرفون شنو يقولون !!
عقيل: هذي احلى لحظة في حياتي يا منار .
منار : هذي اللحظة الي انتظرها من سنين من ايام سوريا تذكر؟
عقيل : انا اقدر انسى اول مرة اشوفش؟
منار : شلون يعني اول مرة تشوفني؟
عقيل: يعني اول مرة اشوفش عدل عدل!
منار : انزين خلنا نستانس بها اليوم
عقيل: يعني وش تبيني اسوي اقوم ارقص؟
منار : ليش لا ؟
عقيل : لا والله
منار : هههه امزح
وبعد فترة انقضت لليلة الخطوبة وبعد اشوي راحوا بيت ام احمد وزفوهم لين الساعة وحدة مشا عقيل ، طبعًا بعدين اتزوجوا وجابوا بنت اسمها زهراء وولدين ، واحد اسمه علي والثاني حسين ،هذي بالنسبة الى منار .
اما بالنسبة الى احمد اتزوج افراح من زمان وجابوا ثلاث بنات ، زينب ، فاطمة ، وعلياء، وجابوا ولد سموه محمود على اسم ابوه علشان يصير (محمود احمد محمود) ، وباقي الا جاسم خطب اخت افراح الا اهي فاطمة وبعدين عرسوا وجابو صبيان اثنين وثلاث بنات ، جابوا : علي ، محمد ، حوراء ، مريم ، امل
وما بقى غير علي بعده يدرس ، اما بالنسبة الى ناصر اتزوج وحدة اسمها ندى وجاب ولد واحد سماه رضا ، وايمان بعد اتزوجت واحد اسمه جعفر وجابت صبيان اثنين توم سموهم جاسم وقاسم ، وما الى ابرار بنت عمة منار اتزوجت واحد اسمه عبدالله وجابوا بنية فقط واسمها دانة

واااااااااااااو اخيرا شكلها خلصت الحمد لله خلصت على خيييييييييير

شثــــــــــــالفه ..!!..!! هع شكلي بقرى القصه بس مب اليحن عيزانه

يسلموووووووووووووووو عذبه والله القصـــه رووووعـــه


بس كسرت خاطري ايمان


عـ العموم توفقت هع هع

يسلمو على المرور والرد